Sluit aan by WinterHoop 2024

Bring Warmte en Hoop Regoor Suid-Afrika

Ons is opgewonde om die Nasionale WinterHoop initsiatief vir 2024 aan te kondig! Terwyl die winterkoue nader sluip, roep ons individue, organisasies, geloofsgemeenskappe en skole regoor Suid-Afrika op om warmte en hoop aan diegene in nood te bring.

Ons Missie: Bring Hoop en Warmte

Vir meer as twee dekades het WinterHoop ‘n betroubare ondersteuner van kwesbare gemeenskappe tydens die koue wintermaande geword. Ons missie is duidelik en impakvol: om te verseker dat niemand in die koue agterbly nie. Deur die gesamentlike pogings van ons toegewyde vrywilligers en vennote, verskaf ons broodnodige items soos komberse, warm bruikbare klere, voedselprodukte/etes en skuiling aan diegene wat dit die meeste nodig het.

Uitdagings met Veerkragtigheid die Hoof bied

Aan die begin van hierdie jaar se veldtog erken ons ruiterlik dat daar vele struikelblokke voor ons is. Politieke onsekerheid en ekonomiese onstabiliteit werp ‘n skaduwee, maar ons staan vas in ons toewyding om ‘n verskil te maak. In hierdie uitdagende tye glo ons vas in die krag van eenheid en samewerking om te oorwin en positiewe verandering teweeg te bring. Jou deelname is ‘n bewys hiervan.

By WinterHoop glo ons in die krag van eenheid om betekenisvolle verandering te bring. Deur hande te vat met individue, organisasies, geloofsgemeenskappe, skole en die media, kan ons ‘n werklike verskil maak. Meer as 140 afleweringspunte is strategies regoor Suid-Afrika geleë.  Hiermee maak ons dit makliker as ooit vir almal om by te dra. Of jy nou komberse, warm bruikbare klere, voedselprodukte of fondse skenk, jou ondersteuning bring warmte en hoop na gemeenskappe regoor Suid-Afrika. Laat ons verenig vir verandering en ‘n helderder en meer regverdiger toekoms vir almal skep.

Share the Post:

Related Posts

Af Met die Mussies aan Ons Brei-Superhelde!

Terwyl die ysige greep van winter sy houvas op Suid-Afrika verstewig, bly ons gemeenskap se vrygewigheid vol warmte skyn. Vandag wil ons ‘n ode bring aan al die brei-superhelde en sê … “af met die mussies” want julle het WinterHoop ekstra knus gemaak met fantastiese donasies aan MES Kaapstad.

Read More

WinterHoop 2023

Ons opregte dank en waardering aan elke persoon, kerk, besigheid en organisasie wat bygedra het tot die WinterHoop veldtog.

Read More