Sluit aan by WinterHoop om Tydens Winterstorms Uitkoms te bied!
As deel van die WinterHoop veldtog het MES, Kaapstad, storm skuilings geopen in Bellville, Durbanville en Parow. Hierdie skuilings bied ‘n heenkome aan hawelose individue tydens ernstige storms. By skuilings is hulle veilig en het toegang tot ‘n heilsame bord warm sop met brood asook ‘n warm slaapplek . Dit is ‘n spesiale inisiatief wat daarop gemik is om hulp en ondersteuning te verleen aan diegene wat dit dringend nodig het.
Die sukses van die WinterHoop-veldtog berus egter op die ondersteuning en vrygewigheid van die gemeenskap. Jou betrokkenheid kan ‘n beduidende verskil maak in die lewens van diegene wat die meeste kwesbaar is. Oorweeg om essensiële items soos komberse, wintersklere of nie-bederfbare voedsel te borg om diegene in nood binne jou eie gemeenskap te help. Deur hierdie basiese benodigdhede te voorsien, kan ons gesamentlik warmte, voeding en hoop bring aan diegene wat die volle krag van die stormagtige nagte in die gesig staar.
Sluit by ons aan om die warmte en hoop oor gemeenskappe te versprei en ‘n helpende hand te bied aan dié wat dit die meeste nodig het. Saam kan ons ‘n blywende verskil maak en ‘n veiliger, meer empatiese samelewing skep.
